Dato

10 . februar 2008

Stad

Møterommet hjå Bondeungdomslaget i Nidaros i Dronningens gate 23.

Tilstades

5 røysteføre; Kristin Fridtun, Ola Haugen Havrevoll, Per Esben Svelstad, Silje Warberg, André Midtskogseter Reite.

Sakslista

1. Val av ordstyrar og møteskrivar.
2. Årsmelding 2008
3. Rekneskap 2008
4. Arbeidsprogram for 2009
5. Medlemspengesats
6. Budsjett for 2009
7. Studentmållagsskrivar
8. Val av nytt styre og utsendingar til landsmøtet åt Norsk Målungdom og landsmøtet åt Noregs Mållag
9. Val av valnemnd til neste årsmøte

Møtet tok til klokka 18.14

1. Godkjenning av innkalling og sakliste. Val av ordstyrar og møteskrivar

Innkallinga og saklista vart godkjende med følgjande endringar:
– Eit punkt 10 vart lagt til. Punktet fekk namnet ”Ymse”.

Saklista slik ho vart vedteke:
1. Godkjenning av innkalling og sakliste. Val av ordstyrar og møteskrivar
2. Årsmelding 2008
3. Rekneskap 2008
4. Arbeidsprogram for 2009
5. Medlemspengesats
6. Budsjett for 2009
7. Studentmållagskrivar
8. Val av nytt styre og utsendingar til landsmøtet åt Norsk Målungdom og landsmøtet åt Noregs Mållag
9. Val av valnemnd til neste årsmøte
10. Ymse

Leiar Kristin Fridtun vart vald til ordstyrar. André Midtskogseter Reite vart vald til møteskrivar.

2. Årsmelding 2008

Årsmeldinga er utarbeidd av Kristin Fridtun og André Midtskogseter Reite. Kristin la henne fram for årsmøtet.
Årsmeldinga vart samrøystes godkjend med følgjande endringar:
- ”Ola Haugen Havrevoll er med i økonomiutvalet åt NMU” lagt til under ”Deltaking i nemnder og andre lag.
- ”Marie Kuvår” endra til ”Marie Kuvås” under ”Styremøte”.
- ”Netet” endra til ”Veven” under ”Mediearbeid”.

Ola Haugen Havrevoll etterlyste ei utgreiing av ”SmiN-arar” på landsmøte med omsyn til deltakaromfang. Kvifor nytta me ikkje heile utsendingskvota vår? Leiaren skal sjå på saka og koma attende til henne ved neste styremøte.

Årsmeldinga slik ho vart godkjend: Årsmelding 2008

3. Rekneskap 2008

Ola Haugen Havrevoll la fram rekneskapen. Rekneskapen vart samrøystes godkjend. Ola la vekt på at laget har ein god økonomi.

4. Arbeidsprogram for 2009

Arbeidsprogrammet er utarbeidt av Silje Warberg og Aline Lee. Silje Warberg la fram arbeidsprogrammet. Det vart samrøystes godkjend med følgjande endringar:
- Fjerning av ”i juni” etter ”Sommaravslutning” under ”Vårsemesteret”
- ”Starta arbeidet med å utvida realfagsordlista til å femna om fleire fagområde” endra til ”Halda fram med ordlistearbeid og arbeida vidare for fornorsking av fagterminologi”.

Ola Haugen Havrevoll føreslo å skipa til ope møte på Høgskulen i Sør-Trønderlag for å betra kontakten med høgskulemiljøet.

Arbeidsprogrammet slik det vart vedteke: Arbeidsprogram 2009

5. Medlemspengesats

Framlegget til lokal årspengesats for 2009 var NOK 45.
Det var eit stutt ordskifte om årspengesatsen med orientering om ordninga frå Ola Haugen Havrevoll. Ola tilrådde å senka pengesatsen. Kristin Fridtun føreslo å senka han med 10 kroner. Sidan me ikkje veit korleis frifondmidlar vil verta fordelt i 2009 eller korleis ordninga med studentmållagskrivar vil halda fram, vedtok årsmøtet samrøystes å vedta medlemspengsatsen slik han ligg føre i framlegget.

6. Budsjett for 2009

Ola Haugen Havrevoll gjekk gjennom budsjettet. Budsjettet vart samrøystes vedteke slik det låg føre.

7. Studentmållagskrivar

Det er Studentmållaget i Oslo som skal vedta korleis ordninga med studentmållagskrivar held fram. Etter eit stutt ordskifte vedtok årsmøtet i SmiN samrøystes å halda fram å vera med på å gjelda drifta av skrivaren.

8. Val av nytt styre og utsendingar til landsmøtet åt Norsk Målungdom og landsmøtet åt Noregs Mållag

Halldis Folkedal har flytta frå Trondheim og vart stroke som 3. vara. Vervet som nestleiar vart kveikt og slege saman med skrivarvervet. Det nye styret og utsendingane vart valde ved akklamasjon.

Det nye styret er:
Leiar: Kristin Fridtun
Økonomiandsvarleg: Ola Haugen Havrevoll
Skrivar og nestleiar: André Midtskogseter Reite
Styremedlem: Aline Lee
Styremedlem: Silje Warberg

1. vara: Per Esben Svelstad
2. vara: Marie Kuvås

Utsendingar til landsmøtet til Norsk Målungdom:
Kristin Fridtun, Ola Haugen Havrevoll, André Midtskogseter Reite, Aline Lee, Silje Warberg. Vara: resten av styret, medlemslista i alfabetisk rekkjefølgd.

Utsendingar til landsmøtet til Noregs Mållag:
Ola Haugen Havrevoll. Vara: resten av styret, medlemslista i alfabetisk rekkjefølgd.

9. Val av valnemnd til neste årsmøte

Valnemnda vart valt ved akklamasjon.

Valnemnda er:
André Midtskogseter Reite
Lisbet Eikrem Vinje
Per Esben Svelstad
Janne-Kristin Nygård

10. Ymse

Kristin Fridtun kom med framlegg om eit punkt 11. Møtekritikk. Det var samrøystes vedteke.
Ola Haugen Havrevoll kom med framlegg om å samla årsmøtelyden på Krieglekroa etter årsmøtet. Det var samrøystes vedteke.

11. Møtekritikk

Årsmøtelyden kom med kritikk av årsmøtet. Stutt oppsummert var han samd i at det var eit godt årsmøte, men det var litt leitt at ikkje fleire medlemer i SmiN møtte.

Møtet vart heva klokka 19.45.

André Midtskogseter Reite
møteskrivar