Studentmållaget i Nidaros » Årsmøte 2007

Årsmøte 2007

Dato: 08. februar 2007
Stad: Realfagsbygget, NTNU Gløshaugen
Tilstades: Hans Magne Bårtvedt, Aline M. Lee, Simon Hansen, Elisabeth Skatvedt, Jens Morten Nilsen, Iver Bakken Sperstad, Siri-Malèn Høynes, Siv Ådnegard Skulstad

Sakslista

Godkjenning av sakslista, og val av møteleiar og møteskrivar
Årsmelding
Rekneskap
Arbeidsprogram
Budsjett
Val
Fråsegner

Godkjenning av sakslista, og val av møteleiar og møteskrivar

Sakslista vart godkjent. Jens Morten vart vald til ordstyrar, Siv til møteskrivar.

Årsmelding

Jens Morten la fram årsmeldinga. Årsmeldinga vart samrøystes godkjent.

[Vedlegg: årsmelding]

Rekneskap

Simon la fram rekneskapen, og ettersynsmann Vegard Thingvoll tilrådde godkjenning. Rekneskapen vart samrøystes godkjent.

[Vedlegg: ettersynsmelding, rekneskap 2006, budsjett 2007, framlegg til lokal medlemspengesats]

Arbeidsprogram

Siv la fram arbeidsprogrammet, og opna så for merknader. Enkelte korrekturendringar vart fremja. Arbeidsprogrammet vart samrøystes vedteke med endringane som vart fremja.

[Vedlegg: arbeidsprogram]

Budsjett

Simon la fram budsjettet, sjå punkt 2. «Rekneskap» for tal, og opna for kommentarar.

Det kom forslag om å:

endre posten «studentmållagsskrivar» frå 0 til 20.000
endre «sal av tilfang/mat» frå 1.000 til 2.000 (grunna sal av t-skjorter)
endre posten «målgåver» frå 0 til 1.000 (sende ut gåvegiro før jul)
endre posten «frifondsmidlar» frå 15.000 til 35.000 (studentmållagsskrivar).

Årsmøtet vedtok budsjettet med dei endringane som vart fremja.

[Vedlegg: budsjett 2007, framlegg til lokal medlemspengesats]

PAUSE

Val

Hans Magne la fram innstillinga til nytt styre frå valnemnda.

Det kom benkeframlegg om Aline M. Lee som 4. vara.

Det nye styret vart:

Siv Ådnegard Skulstad, leiar
Simon Hansen, økonomiansvarleg
Hans Magne Bårtvedt, skrivar
Jens Morten Nilsen, styremedlem
Halldis Folkedal, styremedlem
Kjell Sindre Schmidt, 1.vara
Marie Grue Kuvås, 2.vara
Iver Bakken Sperstad, 3.vara
Aline M. Lee, 4. vara
Ida Netta Kristiansen, 5. vara

Desse vart vald til resten av verva og omboda:

Landsmøtet til Noregs Målungdom (16.–18.03.07)

Simon Hansen
Hans Magne Bårtvedt
Jens Morten Nilsen
Marie Grue Kuvås
Iver Bakken Sperstad
Aline M. Lee

Resten av styret kan stille som observatørar.

Landsmøtet til Noregs Mållag (27.04.07):

Siv Ådnegard Skulstad
Hans Magne Bårtvedt

Vara: resten av styret

Ettersynsmann: Vegard Thingvoll

Fråsegner

Jens Morten la fram forslag til fråsegn. Enkelte ordendringar vart føreslege, og den nyvalde skrivaren fekk løyve til å reinskrive fråsegna. Samrøystes vedteke med ein reduksjon frå sju til seks stemmeføre.

Slik vart fråsegna:

Gjer Solsiden om til Solsida!

Næringslivet ser i dag ut til å verta meir og meir medvitne til språket dei nyttar; Vi kan handle «saltknask» på Rema 1000 i Volda og få saft «av beste kvaliteten» frå Lerum over heile landet og mange verksemder i Trondheim tek i bruk det flotte namnet Nidaros. Likevel har vi eit kjøpesenter i Trondheim som heiter Solsiden.

– Det skjer både i augo og øyra og høyrer ikkje heime nokon plass, seier nyvalt leiar i Studentmållaget i Nidaros, Siv Ådnegard Skulstad. – Det er rein språkvandalisme!

Seier ein trønder Bymarka eller Bymarken? Gryta eller Gryten? Væretrøa eller Væretrøen? Ilsvika eller Ilsviken? Ila eller Ilen? Solsiden er ikkje språkleg nøytralt, men høyrer til eit konservativt bokmål/riksmål. Å kalla noko som helst for «Solsiden» er eit vederstyggjeleg avvik frå regelen, og ein skamflekk på ein by med elles språkfaste stadsnamn, seier Skulstad.

Er det tilfeldig at Solsiden ikkje heiter Solsida, eller handlar det nettopp om at Solsiden ynskjer å skilja seg ut, og heva seg over målføret til «den vanlege trønderen»? Brukte nokon hankjønsendinga aktivt for å laga eit skilje? Slikt tek Studentmållaget og heile målrørsla stor avstand ifrå og over 70 språkmedvitne kundar hos Solsiden har allereie skrive under på oppropet.

Skal gå til