SmiN skal i 2008

• halda fram med å selja Realfagsordlista, Medieordlista og Økonomiordlista. Me skal freista å få Tapir på Gløshaugen til å ta inn realfaglista og dessutan marknadsføra dei betre, med plakatar og dilikt. Elles har me som mål å få selt 20 eksemplar av kvar liste.
• auka medlemstalet til over 100.
• få fleire verksame medlemar. Då lyt me verta meir synlege, særleg når semestra tek til. Den fyrste og/eller andre veka bør me stå på stand, ha gjæve plakatar, dela ut dragande flogskrift og gjera sumt som skil oss frå massen.
• skipa til opne møte, minst to i semesteret. Det fyrste bør vera fastsett allereie ved semesterstart, då har me noko å trekkja folk med. Dette møtet bør me halda i august eller tidleg i september. Minst eitt av dei opne møta skal vera fagleg retta.
• styrkja samkjensla og deltakinga i laget. Me skal freista å få i stand ei matpakkesamling ein gong i veka/i månaden med gratis kaffi til medlemene. Vona er at fleire tek del i arbeid og tilskipingar når dei vert betre kjende.
• velja ei vevnemnd som skal omvøla veven vår. Laget treng ein dugande nettstad som gjer det lett å lesa, leggja ut og finna fram til nyhende og innlegg av ymse slag. Vevnemnda åt SmiN skal attpå pressa på den nasjonale vevnemnda so dei får sett i stand eit forum.
• fara på ymse tilskipingar i NMU og NM, og arbeida for å få fleire frå SmiN til å verta med.
• framheva oss sjølve på HiST, Gløshaugen og Dragvoll.
• framheva oss sjølve i Under Dusken, Adresseavisa, Student-TV, NRK med meir. Arbeida for meir nynorsk i studentmedia. Skriva minst 4 lesarbrev.
• ha ei vervetevling med ovgode premiar. Alle i styret skal verva minst ein medlem kvar.
• selja minst 15 SmiN-skjorter.
• kosta Mål og Makt til dei medlemene som vil ha.
• halda oppe samarbeidet med Nidaros Mållag.
• Ha eit godt samarbeid med og nytta oss av studentmållagsskrivaren
• nytta tavleplassen på Dragvoll og Gløshaugen betre og meir aktivt.

I vårsemesteret skal me

• ha eit medlemsmøte føre landsmøta i NMU og NM for å drøfta landsmøtesaker.
• fara på landsmøta åt Norsk Målungdom og Noregs Mållag og årsmøtet i Nidaros Mållag.
• reinska opp i e-postlista og adresselista.
• ta til med småe samkomer der medlemene skal verta kjende, få lufta tankar og synspunkt, og so bortetter.
• hiva oss på kinokampanjen «Dude, where’s my språk?».
• finna ein kontaktperson for SmiN på HiST.
• søkja om å få tavleplass på HiST.
• stø opp under alt skulemålsarbeid i Nidaros.
• vera med på studentsamling.
• ha eksamensfrukost.
• ha sumaravslutning.
• nytte oss av studentmållagsskrivaren og definera arbeidsoppgåver til ho.

I haustsemesteret skal me

• ha ein kulturkveld.
• arbeida for å styrkja norsk, særleg nynorsk, som akademisk språk. Me skal rosa tilsette ved NTNU og HiST som skriv lærebøker på nynorsk, og skrivaren av den beste boka i 2008 får ein gjæv pris.
• få ein målfarar til å kursa oss so me sjølve vert dugelege målfararar.
• ha vervekampanje, helst tidleg i semesteret.
• skipa til nynorsk-kurs.
• ha eksamensfrukost.
• ha joleavslutning.