I år ha vi tenkt å byta ut den tradisjonelle grautkvelden med ein tur på Trøndelag Teater
(med opning for kafétur både før og etter framsyninga).

Det er FUGLANE av Tarjei Vesaas vi skal sjå. Dato: *fredag 3. desember*. Framsyninga tek
til klokka 20.00. Vi kan gjerne møtast på Ni Muser ein time eller to før.

De kan lesa om stykket her.

PÅMELDING
Vi vil kjøpa inn billettane på førehand, difor er de nøydde til å melda dykk på (men det er lov å melda seg av, om sjukdom eller anna snusk skulle dukka opp). Fristen for påmelding er LAURDAG 27. november. Dei som ikkje har meldt seg på innan dess, må kjøpa seg billett sjølve.

De kan melda dykk på til leiar Fridtun: (fridtun@stud.ntnu.no)
eller til SmiN-styret: styret@smin.no

PRISAVSLAG
Ein studentbillett kostar 160 kroner, men vi kostar 60 kroner for dykk, slik at kostnaden
vert 100 kroner. MERK: De MÅ ha me semesterkort som provar at de er studentar.

Vel møtt!

Vensam helsing
Kristin Fridtun
for styret i SmiN

No er programmet klart (sjå her). Her er stint med gode greier: Gjæve innleiarar og interessante emne. Og me skal ikkje gløyma jubileumsfesten på laurdagskvelden. Me i SmiN oppmodar alle SmiN-arar til å hiva seg med!

Seminaret er gratis for studentar (men festmiddagen kostar ein hundrelapp), og me gjev reisestønad til dei som vil fara. Me kan òg hjelpa til med å finna overnatting til dei som treng det. Påmelding til magnus.bernhardsen@nm.no so snart som råd.  Andre praktiske meldingar finn de her.

Kom, kom!

For SmiN-styret

Kristin Fridtun

Avslutninga skal vera sundag 6. juni, og me dreg ut til Lade med buss nr. 3 frå Munkegata, med avgang 11.05. Det er sjølvsagt lov å møta opp på museet òg. Det er gjævt om de seier frå på førehand om de har tenkt å vera med, men det er inga bindande påmelding e.l. Berre kom og ver med!

SmiN kostar billetten din, so ta med deg studentprovet ditt, for studentpris er fine greier.

Stutt sagt: SmiN-tur til Ringve museum sundag 6. juni, avgang 11.05 med 3′ern frå Munkegata.

Du kan lesa meir om Ringve museum her.

Tak med deg ein ven eller to og kom!

Når årsmøtesesongen går mot slutten, so tek landsmøtesesongen til. I år skal landsmøtet åt NMU vera i Stavanger 27.-29. mars. Landsmøtet er det høgste organet i samskipnaden, so det er viktig at lokallaga kjem mann- og kvinnsterke til møtet. Landsmøtetalaren er Hadia Tajik, politisk rådgjevar i Justisdepartementet. De kan lesa meir om landsmøtet på landsmøtesidene åt Norsk Målungdom.

SmiN har høve til å senda seks utsendingar, men til no har me berre fire påmelde. Det er òg høve til å fara på landsmøtet som observatør, det vil seia at ein ikkje er røystefør. Det er berre å ta kontakt med oss i SmiN-styret (styret@smin.no) eller NMU sentralt (nmu@nynorsk.no) dersom de er huga på å fara. Om ein vil vera med å påverka politikken til NMU so er landsmøtet utan tvil staden å vera.

Sakpapira vert sende ut om ikkje so altfor lenge.

Vensamt

Kristin for SmiN-styret

Noko av det fyrste som hender for målungdomen i 2009 er vinterleiren i Kviteseid 23. til 25. januar. Du kan lesa meir om leiren på vinterleirveven, og ikkje minst: melda deg på. Me er alt ein gjeng frå SmiN som skal dra, so dersom du er huga på å fara, men ikkje har nokon å reisa med so er du velkomen til å vera med oss. Når alt kjem til alt er turen mellom Trondheim og Kviteseid tolleg lang, so eit ferdafylgje kjem godt med. Hiv deg på!

Elles nærmar det seg årsmøtetid, og me i styret bed om at alle som har bytt bustad utan å melda ifrå til NMU gjer det snarast råd. Det er best å ha dei rette adressene når me sender ut innkallingar og annan post.

Vensamt

Kristin for SmiN-styret