I haust vert “systerlaget” vårt, Studentmållaget i Oslo (SmiO), 110 år. SmiN ynskjer SmiO til lukke! Dessutan vil me at so mange som råd skal få vita om og delta på det storstilte jubileumsseminaret dei skipar til. Seminaret skal vera i Oslo, Det Norske Teatret, frå laurdag 4. til sundag 5. september. Jubileumsseminaret er samkøyrt med det årvisse haustseminaret til Noregs Mållag.

No er programmet klart (sjå her). Her er stint med gode greier: Gjæve innleiarar og interessante emne. Og me skal ikkje gløyma jubileumsfesten på laurdagskvelden. Me i SmiN oppmodar alle SmiN-arar til å hiva seg med!

Seminaret er gratis for studentar (men festmiddagen kostar ein hundrelapp), og me gjev reisestønad til dei som vil fara. Me kan òg hjelpa til med å finna overnatting til dei som treng det. Påmelding til magnus.bernhardsen@nm.no so snart som råd.  Andre praktiske meldingar finn de her.

Kom, kom!

For SmiN-styret

Kristin Fridtun